Prochain épisode

Épisode 8, Saison 2

Enne istwerre vivante

La Bronze

l’jeudji 1 novawm a 19 h 30 (HNE)

Ô Pèyi di Mitchif II

Di parsonaliti dju Québec sa la aksepti l’einvitassion di Mitchif dju lak Manitoba pour parchirre a trappe, a pésh, a shasse pi sa dikouve ein pèyi ixtraordjinerre.

Dan ste deuziemme sézon d’la séri dokumanterre Ô Pèyi di Mitchif, li miyeurre shasseur, trappeur pi pésheur di Saint-Laurent sa r’swè leu zeinviti avek yeink ein idi dan têt : ressti izôt-mêm !

Li Mitchif sa la pripari di avanchurre ixsitante pour leu zeinviti dju Québec, ksa vâ pâ ôbliyé sâ toutte switte. Pi sa leu mont la sorte di vi k’ita bazé su di prachik d’survi. Pâ djifarans si sé dan li marè, su l’lak ou dan l’bwâ, li zavanchurre sa nous mont l’âme dju mond a Louis Riel, pi sa danne la shans ô zeinviti pi li Mitchif d’ferre di bonne rilassion.

Li zeinviti : Florent Vollant, Marc Séguin, Roy Dupuis, Samian, Denise Bombardier, Gaston Lepage, Patrice l’Écuyer, Sophie Faucher pi La Bronze.

R’gârdi l’priviou su l’vidio

Zeinviti

Sa la aksepti avek plèzirre d’vieind vive kek jour Ô Pèyi di Mitchif. Shak einviti dju Québec sa l’ava leu rézon a izôt pour vive d’l’avanchurre pi sa l’ita toutte kurieu pi pra d’ferre sâ.

Werre li zeinviti

Li Konnèsans

Li Mitchif di Saint-Laurent sa lâ an didan d’izôt toutte li konnèsans pour êt kapab d’vive dju territwerre. Pandan la sézon, sa lâ montri a leu zeinviti dju Québec koman ferre pour ôti la fourrure pi la viand, oubindon pripari l’pwèsson ou ferre di filè d’pésh.

Werre toutte li kapsul

Li gou dju pèyi

Goutte sa!

Dan kwizinne divousse ksa la grandji, Julien pi Roger Chartrand sa fè kat risette d’leu faméye, ksa la eu d’leu merre pi leu mémerre, kom l’fammeu râ d’ô. Norbert pi son fisse Charles Langelier, izôt sa kwi kat plâ ksa édè li Mitchif a pâ krèvi, pâ djifarans kita a mézon ou bedon an wéyaj.

R’gârdi li risette

Mézik dju pèyi

Alli werre plusse su’l l’mond di Mitchif a traverre witte marsô tradjissionel pi l’group Coulée.

Ikouti la mézik

L’mond dju pèyi

Si yeink la nachurre kyé leu boss

S’t’enne rasse d’om pi d’famme eindipandan. Leu zansêt, li koureurre di bwâ, sa l’ita dju mond d’avanchurre pi sa voula s’sôvi d’la lwè di zangla. Kan sa la maryé di famme Feurst Néshune ksa voula êt eindipandan, sa la fondi enne Nassion ke sontè unik, avek bin di konnassans. Li koureurre di bwa sa l’ava di konnassans d’l’Uroppe mé li Feurst Néshune, izôt sa konnassa toutte l’territwerre. An s’mettan ansanb, li Mitchif sa la maryé l’miyeurre di deu mond.

R’gârdi l’mond dju pèyi

Li mô dju pèyi

Pandan lontan, sa la ri d’la lang di Mitchif pi sa la mi d’kôti. Sa liza mêm dji d’pâ la parli. Asteurre, sa li danne d’la valeurre paska li kekchôze di bin djifaran dan enne kulchurre unik ki s’rivèye. L’djikssionnerre eintérakchif sa l’éde a konnêt ste belle lang divousse k’l’vyeu fransa pi l’langaj di eindjiein sa s’milanj.

R’gârdi l’djikssionnerre
CMF - FMC Canal D Manito Media Avenue 4 Communications